भांगरभूंय | प्रतिनिधी
(((गावस्कर म्हणून फोटो घाला)))
घडये आदलो ऋषभ पंत दिसचो नाः गावस्कर
खबरां संस्था
नवी दिल्लीः ऋषभ पंत हो डिसेंबर 2022 सावन क्रिकेट मैदाना पसून पयस आसा. दुखापतीतल्यान बरो जावन ऋषभ पंत आतां 2024चे इंडियन प्रिमियर लीग हंगामांत खेळटलो. राष्ट्रीय क्रिकेट अकादमीन ताका तंदुरुस्त घोशीत केला. पूण, धोंपराचेर दोन ऑपरेशनां जाल्ल्यान तो विकेटकिपींग करतलो काय ना हो व्हड प्रस्न आसा.
ऋषभ पंत पुर्ण तंदुरुस्त जाला काय ना हें अंदूंचे आयपीएलांत दिसतलेंच. तशेंच ताची संवसारीक टी-20 सर्ती खातीर राष्ट्रीय पंगडांत निवड जातली हाचो लेगीत निर्णय जातलो. मजगतीं, भारताचो आदलो मुखेली सुनील गावस्करान पंता विशीं म्हत्वाचें वक्तव्य केलां.
पंता खातीर हें पुनरागमन सोंपें आसचें ना. पूण, ताणें फाटल्या कांय दिसां सावन बरोच सराव केला. ताका लागून ताचो आत्मविस्वास निश्चीत रितीन वाडला आसतलो. पूण, आदले भशेन बॅटींग करपाक कांय काळ थांबचो पडटलो अशें गावस्करान म्हणलां.
पंताच्य धोंपराक गंभीर दुखापत जाल्ली. विकेटकिपींग करतना दरेक बॉलाचेर उठाबशी काडची पडटा. बॅटींग करतना लेगीत धोंपराचेर ताण येता. ताका लागून आयपीएलाच्या सुरवातीच्या मॅचींनी आदलो ऋषभ पंत घडये दिसचो ना.
तशेंच शुभमन गिला विशीं भाश्य करतना गावस्करान म्हणलें की, गुजरात पंगडाचें गिल कशे तरेन फुडारपण करता हें पळोवपाची आपल्याक उमळशीक लागल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
