भांगरभूंय | प्रतिनिधी
पणजी: गोंय राज्य सहकार संघाचे वेंचणुकेंत सहकार विकास मंच पॅनलाचे 8 संचालक वेंचून आयल्यात. वेंचणुकेंत सहकार विकास मंच पॅनलाचें वर्चस्व सिद्ध जालां. जैता उपरांत संचालकांनी मुख्यमंत्री डॉ. प्रमोद सावंत तशेंच सहकारी मंत्री सुभाष शिरोडकार हांची भेट घेतली. मुख्यमंत्र्यांनी नव्या संचालकांक परबीं दितना सहकार मळाचे उदरगती खातीर वावर करपाचो सल्लो दिलो.
2026 – 27 ते 2030 – 31 मेरेन च्या संचालक मंडळा खातीर वेंचणूक जावन मंगळारा निकाल जाहीर जाले.
वेंचून आयिल्ले संचालक अशें आसात:
शेतकी क्रेडीट सोसायटी: दीपक गांवस, नारायण कामत, फ्रान्सीस मास्कारेन्हस, संकेत नायक मुळे
डेरी सहकारी सोसायटी: विजयकांत गांवकार, गोविंद नायक
गिरायक सहकारी सोसायटी: संदेश नारायण मांद्रेंकार
नोकरदार सहकारी सोसायटी: रमेश गांवस, संजय मांद्रेंकार
भौउद्देशी सहकारी सोसायटी: मशाल आडपयकार
सहकारी बँक फेडरेशन: दामोदर नायक
घरनिर्माण सहकारी सोसायटी: दिलीप बोरकार
हाचे पैकीं दीपक गांवस, नारायण कामत, फ्रान्सी मास्कारेन्हस, विजयकांत गांवकार, रमेश गांवस, संजय मांद्रेंकार, दामोदर नायक, दिलीप बोरकार हे सहकार विकास मंच पॅनलाचे उमेदवार आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
