भांगरभूंय | प्रतिनिधी
पणजीः गोंय समग्र शिक्षा अभियाना खाला शिक्षण संचालनालय पर्वरी १४ प्रशिणार्थ्यां खातीर अर्ज मागयल्यात. हीं दरेकी एक पद सरळ मुलाखती वरवीं भरतले, अशी कळोवणी गोंय समग्र शिक्षाचे राज्य प्रकल्प संचालकान जारी केल्या.
गोंय समग्र शिक्षा खाला शिक्षणीक वर्स २०२६-२७ खातीर कंत्राटी तत्त्वाचेर गोंय राज्यांतल्या सरकारी आनी अनुदानीत हायस्कूल तशेंच सरकारी आनी अनुदानीत उच्च माध्यमीक शाळांनी राष्ट्रीय कुशळटाय पात्रताय फ्रेमवर्क (एनएसक्यूएफ) विशय शिकोवपा खातीर प्रशिक्षकांची गरज आसा.
हातूंत इलेक्ट्रॉनिक्स, आयटी/आयटीईएस, मिडिया आनी एन्टर्टेन्मन्ट, लॉजिस्टिक्स, बीएफएसआय, रिटेल, पर्यटन आनी आदारातीथ्य, ब्युटी ऍण्ड बॅलनेस, अपॅरल, ऑटोमोबायल, हॅल्थकॅर, कन्स्ट्रक्शन, प्लंबिंग आनी शेतकी सुवातींचो आस्पाव आसा.
एनएसक्यूएफ प्रशिक्षकांच्या पदां खातीर सरळ मुलाखती १०,११ आनी १२ जून २०२६ दिसा सकाळीं १०.३० वरां सावन शिक्षण संचालनालय, पर्वरी, गोंय हांगा जातल्यो. अदीक तपशिला खातीर आमचे एससीईआरटीचे वॅबसायटीक भेट दिवची. अपूर्ण अर्ज आनी संबंदीत प्रमाणपत्रां बगर जोडिल्ले अर्ज न्हयकारतले, अशी सुचोवणी प्रकल्प संचालकान दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
