भांगरभूंय | प्रतिनिधी
पणजी: गोंय विद्यापीठान गोंय राज्य संशोधन फावंडेशन पुरस्कृत Biodiversity, women’s agency, social perception and livelihood options in Ramsar site of Goa ह्या विशया वयल्या संशोधन प्रकल्पाचेर काम करपाक पुराय तात्पुरत्या एका प्रकल्प सहाय्यक पदाच्या सुवाते खातीर पात्र आनी इत्सूक उमेदवारांकडल्यान अर्ज मागयल्यात.
प्रकल्पाचो कार्यकाळ ३ वर्सांचो आसून उमेदवारा कडेन प्राणिशास्त्रातली एम. एससी पात्रताय आसपाक जाय. म्हयन्याक २०,००० रुपया पगार आसतलो.
मुलाखत १४ जुलय २०२६ दिसा सकाळीं १०.०० वरांचेर प्राणिशास्त्र कचेरी, जिवशास्त्र आनी जिवतंत्रज्ञान विभाग, ब्लॉक-ई, गोंय विद्यापीठ, ताळगांव पठार हांगा जातली. उमेदवारांनी आपल्या मूळ दाखल्या सयत आपलो अर्ज, सीव्ही आनी दाखल्यांच्यो प्रती वांगडा हाडपाक जाय. उमेदवारांनी मुखेल संशोधक डॉ. मिनल देसाय शिरोडकार वा सह संशोधक प्रो. प्रणब मुख्योपाद्याय हांचे कडेन संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
