भांगरभूंय | प्रतिनिधी
पणजीः गोंय विद्यापीठ २१ अध्ययनशाखां खातीर सहाय्यक प्राध्यापकांची ५५ पदां जाहीर केल्यांत. हीं सगळीं पदां पुरायेन कंत्राटी तत्वाचेर (तत्पुर्ते) आसतली. सरळ मुलाखती वरवीं ह्या पदांची भरती जातली, अशीं कळोवणी गोंय विद्यापीठान जारी केल्या.
शिक्षणीक वर्स २०२६-२७ खातीर वा त्या जाग्यार नियमीत प्राध्यापक येयना तो मेरेन ही ५५ रितीं पदां भरपा खातीर विद्यापीठान अर्ज मागयल्यात. गरजे प्रमाण वर्स २०२६-२७च्या दुसर्या कार्याकाळा खातीर कंत्राट वाड मेळपाक शकता.
५५ सहाय्यक प्राध्यापक मदल्या दर्याविज्ञान (Marine Science) विशयांत १ (अनारक्षित), रिमोट सेन्सिग ऍन्ड जियोग्राफिकल इन्फॉर्मेशन सिस्टम विशयात दोन पदां (१-अनारक्षित, १-ओबीसी), भौतीकविज्ञान (Physics) विशयात एक पद (अनारक्षित), कंप्युटॅशनल भौतीकविज्ञान (Computational Physics) विशयांत एक पद (ओबीसी), पर्यावरण विज्ञान (Environmental Science) विशयांत एक पद (अनारक्षित), कंप्युटर सायन्स अँड टॅक्नॉलॉजी विशयांत ११ पदां (४-अनारक्षित २-इड्ब्लुएस २-ओबीसी १-एससी १-एसटी -पीडब्ल्यूडी) इलॅकट्रोनीक्स (बी. वॉक.) विशयांत दोन पदां (१-अनारक्षीत, १ एसटी), अकार्बनी रसायनशास्त्र (Inorganic Chemistry) विशयात एक पद (अनारक्षित), प्राणीविज्ञान विशयात दोन पदां ( १- इड्ब्लुएस १-एसटी), बायोटॅक्नॉलॉजी विशयात एक पद (अनारक्षित), कायदो (Law) विशयात तीन पदां (१-अनारक्षित १-ओबीसी १-एसटी), भौशीक प्रशासन विशयात तीन पदां (१-अनारक्षित १-ओबीसी १-इड्ब्लुएस), इंग्लीश विशयांत एक पद (अनारक्षित), फ्रॅन्च विशयात दोन पदां (१-अनारक्षित १-ओबीसी), पुर्तुगेज विशयांत दोन पदां (१-अनारक्षीत १-एसटी), एकात्मीक (एमबीए) हॉस्पीटेलिटी अँड टुरिजम विशयांत एक पद (अनारक्षीत), अर्थशास्त्र विशयात एक पद (ओबीसी), इतिहास विशयांत दोन पदां (१-अनारक्षीत १-ओबीसी), समाजशास्त्र विशयात दोन पदां (१-अनारक्षित १-ओबीसी), समाज कार्य विशयात चार पदां (१-अनारक्षित, २-ओबीसी, १-पीडब्ल्यूडी) आनी राजशास्त्र विशयात दोन पदां (१-अनारक्षित १-एसटी) जाहीर जाल्यांत.
पदां खातीर पात्रताय, मुलाखतीची तारीख आदी संबंदीत तपशील विद्यापिठाच्या वॅबसायटीचेर उपलब्ध आसात. इत्सूक उमेदवारांनी गोंय विद्यापिठाच्या कुलसचीवाक संबोधीत केल्ल्या अर्ज आनी हेर कागदपत्रां सयत थारायिल्ले तारकेक, वेळ आनी सुवातेर थेट मुलाखतीक हाजीर रावचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
