भांगरभूंय | प्रतिनिधी
भांगरभूंय । खेळां मेज
पणजीः गोंय राज्य फिडे मानांकन सिनियर बुद्दीबळ सर्त 30 नोव्हेंबर ते 4 डिसेंबर मजगतीं बोरीमळ- केंपेंच्या खेळां संकुलांत जातली. गोंय बुद्दीबळ एडहॉक समितीच्या पालवान केंपें तालुको बुद्दीबळ असोसिएशनान ही सर्त आयोजीत केल्या.
हे सर्ती उपरांत दिल्लींत 22 डिसेंबरच्यान सुरू जावपी राष्ट्रीय बुद्दीबळ सर्ती खातीर चार खेळगड्यांचो गोंय पंगड वेचून काडटले. राज्य सिनियर बुद्दीबळ सर्त 9 फेरयेंचे स्वीस लीग पद्दतीर खेळयले. सर्ती खातीर 50 हजारांची इनामां आसात. चल्याचे आनी चलयांचे मेळून चार गटांत सर्त जातली. अंडर-7, अंडर-9, अंडर-11 आनी अंडर-13 अशे गट आसतले. बेस्ट व्हेररन (पिराय 45 आनी चड), बेस्ट बायल खेळगडी (पिराय 18 आनी वयर) करंड दितले.
सर्त 30 नोव्हेंबराक दनपारां 2.30 वरांचेर सुरू जातली. चडावत म्हायती खातीर मुख्य आर्बिटर आयए संजय कवळेकार (9823258711) हाचे कडेन 29 नोव्हेंबर मेरेन संपर्क सादचो अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
