भांगरभूंय | प्रतिनिधी
भांगरभूंय । प्रतिनिधी
पेडणे. मांद्रे भगवती सप्तेश्वर प्रांगणात गोंय मुक्ती दीस कार्यावळींत मांद्रेचो सरपंच अॅड अमित सावंत हाचे हस्तुकीं गोंयांत जाल्ले 37व्या राष्ट्रीय खेळांत रुप्या पदक मेळोवपी सुजल सत्यवान कलशांवकार हाचो रोख 50 हजार, शाल, श्रीफल आन यादस्तीक भेटोवन पंचायत मंडळ, ग्रामस्थ वतीन भोवमान केलो. मांद्रे विद्यालयाचे शिक्षक आनी विद्यार्थी ह्या वेळार हाजीर आशिल्ले.
सुरवेक अमित सावंत हाणे तिरंगो हुबयलो. अमित सावंत हाका 2022 वर्साचो गोंय सरकाराचो समाज सेवक पुरस्कार म्हणून 25 हजार रुपये मेळल्ले. ताणे ही रक्मक 2023-24 वर्सा मांद्रे गांवात धावेचे परिक्षेंत पयलो येवपी विद्यार्थाक दिवपाचें ह्या वेळार जाहीर केलें. मांद्रे विद्यालयाचो आदलो विद्यार्थी ह्या नात्यान पांचवी तें धावे मेरेन मराठी विशयांत सगल्यांच चड गुण घेवपी विद्यार्थ्यांक दरेकी 1 हजार रुपयांचें इनाम दिवपाचेंय ताणे जाहीर केलें.
मांद्रे पंचायत मंडळान आयोजीत केल्ले गोंय मुक्ती दीस कार्यावळीक विद्यार्थ्यांनी तिरंग्याक संचलन करून मानवंदना दिली. अमित सावंत हाणे धव्जारोहण केल्या उपरांत इनाम भेटवण आनी हेर कार्यावळी जाल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
