भांगरभूंय | प्रतिनिधी
भांगरभूंय । पत्रक
पणजीः गोंय प्रदेश सहकार भारतीचें अधिवेशना हालींच फोंडेच्या राजीव कला मंदिरांत जालें. सहकार मंत्री सुभाष शिरोडकार हांणी उक्तावण केल्ल्या ह्या अधिवेशनांत राज्यांत सहकार मळांत काम करपी सुमार 1500 जाण हाजीर आशिल्ले. ह्या वेळार राजकुमार देसाय हांचे अध्यक्षते खाला नव्या कार्यकारी मंडळ वेंचून काडलें. दक्षीण गोंय जिल्होध्यक्ष म्हणून दुर्गादास गावडे आनी उत्तर गोंय अध्यक्ष म्हणून यशवंत गवस हांचे कडेन जापसालदारी दिल्या.
मंडळ फुडले भशेन- अध्यक्ष- राजकुमार देसाय, उपाध्यक्ष – विशाखा वेळीप, म्हासचीव- अशोक गावडे, जोड सचीव- शिल्पा शिरोडकार, भांडारी- राणू नायक नारायण कारेकार, किसन फडते, ऑगोस्तीन क्रुज, शोभना वेळीप, सतीश वेळीप, सुभाष हळर्णकार, रघुवीर वस्त, उल्हास फळदेसाय, वल्लभ साळकार, बाबाजी सावंत, दीपाजी राणे, राजेश मेहता, स्मिता फळदेसाय, सुरेंद्र सिनारी, प्रसाद खाडीलकार, अर्जुन गांवस, विक्रू वेळीप, नयनी शेटगांवकार, प्रिया वेंगुर्लेकार, नितीन म्हार्दोळकार, अंकुश नायक, ऋतुजा पार्सेकार, प्रतिक्षा छाननकार, दीपश्री मोपकार, विनोद प्रभुदेसाय, दादी नायक, मारूती देसाय हाचो मंडळांत आसपाव आसा. निमंत्रक म्हणून सहकार भारतीचो प्रकाश वेळीप, गोंय बागायतदार संस्थेचो अध्यक्ष नरेंद्र सावयकार, समाज कल्याण मंत्री सुभाष फळदेसाय, अँथनी वाझ, कांता पाटणेकार, विठ्ठल वेर्णेकार हांका वेंचून काडलां.
अधिवेशनाक समाज कल्याण मंत्री सुभाष फळदेसाय, आदलो खासदार नरेंद्र सावयकार, फोंड्याचो नगराध्यक्ष रितेश नायक, सहकार भारतीचो राष्ट्रीय अध्यक्ष दीनानाथ ठाकूर, संघटनमंत्री संजय पाचपोर, दिलीप पाटील, प्रकाश वेळीप. गोंय राज्य सहकारी बँकेचो अध्यक्ष उल्हास फळदेसाय, अशोक गावडे, व्हीपीकेचो अध्यक्ष दुर्गादास गावडे, मार्केटिंग फेडरेशनाचो अध्यक्ष सखा मळीक हाजीर आशिल्ले.
अधिवेशनांत आप सहायता गट आनी अर्बन सोसायटी फेडरेशनाची स्थापणूक करपाचे थाराव पास केले. अधिवेशनांत स्पंदन हे यादस्तिकेचें प्रकाशनक केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
