भांगरभूंय | प्रतिनिधी
पणजी, खबरां मेज: ओटीएम मुंबय २०२४ त रिस्टोरेशन टुरिजमा खातीर ’मोस्ट इनोव्हेटिव्ह प्रोडक्ट अवॉर्ड’ गोंय पर्यटन विभागाक फावो जालो. राजस्थानचे उपमुख्यमंत्री आनी पर्यटनमंत्री दिया कुमारी हांचे हस्तुकीं हो पुरस्कार भेटयलो. जापसालदार आनी शाश्वत पद्धतींचेर लक्ष केंद्रीत करपी रिस्टोरेशन टुरिजम चालीक लावपाचे गोंयचे मुखेल भुमिकेचेर शिक्को दिवपी हो पुरस्कार जावन आसा.
गोंय ’एकादश तिर्थ उपक्रम अध्यात्म, थळावी संस्कृती, राष्ट्रवाद आनी जागरूक पर्यटन एक करता. गोंयचें दायज राखप, परबांचें उमेदीन आयोजन, संमेलनां आनी कार्यावळीं खातीर संवसारीक दर्जाच्यो सुविधायो उपलब्ध करून दिवप हे खातीर गोंयचे यत्न चालूच आसता.
पर्यटन विकास महामंडळाचे वरिश्ठ वेवस्थापक विशेष नायक हांणी हो पुरस्कार स्विकारलो. उपसंचालिका मनीषा कळसकर, साहाय्यक पर्यटन अधिकारी चित्रा वेंगुर्लेकार आनी हेर मानेस्त ह्या वेळार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
