भांगरभूंय | प्रतिनिधी
पणजीः गोंय अभियांत्रीकी महाविद्यालयांत विवीध विभागांत सहाय्यक प्राध्यापक खातीर ३७ पदां जाहीर केल्यांत. हीं सगळीं पदां कंत्राटी आनी अतिथी तत्वाचेर थेट मुलाखती वरवीं भरतले. कंत्राटाचो कालावधी शिक्षणीक वर्स २०२६-२७ सावन ३ शिक्षणीक सत्रां खातीर आसतलो. उपरांत ही पदां नियमीत तत्वाचेर भरपा खातीर पयली येवपाक प्राधान्य दितले.
फार्मागुडी- फोंडेंच्या गोंय अभियांत्रीक महाविद्यालयान उजवाडांक हाडिल्ले जायराती प्रमाण विज्ञान आणि मानविकी (गणित, रसायनशास्त्र) विभागांत ३ पदां खातीर अर्ज आपयल्यात. हीं सगळीं पदां अनारक्षीत आशिल्ल्यान हे खातीर २३ मेक थेट मुलाखत जातली.
म्हायती तंत्रज्ञान विभागांत ६ पदां खातीर अर्ज आपयल्यात तातुंतलीं ३ अनारक्षीत, १ ओबीसी, १ पीडब्ल्युडी आनी १ एसटी खातीर आरक्षीत आसात. कंप्युटर अभियांत्रिकी विभागांत ४ पदां खातीर अर्ज आपयल्यात तातुंतलीं २ अनारक्षीत आनी २ ओबीसी खातीर राखीव आसात. ह्या दोनूय विभागां खातीर थेट मुलाखत २५ मेक जातली.
इलेक्ट्रॉनिक्स आनी टॅलिकम्युनिकेशन अभियांत्रिकी; व्हीएलएसआय विभागांत १० पदां जाहीर जाल्यांत. तातुंतलीं ८ अनारक्षीत आनी २ ओबीसी खातीर राखीव आसात. इलेक्ट्रिकल आनी इलेक्ट्रॉनिक्स अभियांत्रिकी विभागांत ४ पदां जाहीर जाल्यांत. तातुंतलीं ३ अनारक्षीत आनी १ ओबीसी खातीर राखीव आसा. हे दोनय विभागा खातीर थेट मुलाखत २६ मेक जातली.
सिव्हिल अभियांत्रिकी विभागांत पांच पदां खातीर अर्ज मागयतल्यात. तातुंतलीं ३ पदां अनारक्षीत आनी दरेकी एक पदा ओबीसी आनी एसटी खातीर राखीव आसात. मॅकॅनीकल अभियांत्रिकी विभागांत पांच पदां जाहीर जाल्यांत तातुंतलीं २ अनारक्षीत, २ ओबीसी आनी १ एसटी खातीर राखीव आसा. हे दोनय विभागा खातीर थेट मुलाखत २७ मेक जातली.
उमेदवारांनी मुलाखतीच्या दिसा सकाळीं ९.३० वरांचेर वयर नमूद केल्ल्याा वेळापत्रका प्रमाण सगलीं संबंदीत कागदपत्रां, प्रमाणपत्रां, अणभव प्रमाणपत्रांच्यो मूळ प्रती आनी प्रमाणीत प्रती तशेंच १ पासपोर्ट आकाराचो फोटो घेवन उपस्थीत रावचे. वेतन आनी पिराय मर्यादा गोंय सरकाराच्या लागू आशिल्ल्या नेमां प्रमाण आसतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
