भांगरभूंय | प्रतिनिधी
पणजी: गोंयांत 11 मे 14 मे मजगतीं कांय वाठारांत पावस पडपाची शक्यताय आसा. तशेंच वातावरण दमट आसतलें असो अदमास हवामान खात्यान उक्तायला. फुडले सात दीस कमाल तापमान 33 ते 35 अंश सेल्सिअस मेरेन उरपाची शक्यताय आसा. जाल्यरा 9,10 आनी 15 मे मजगतीं वातावरण कोरडे आसतलें.
हवामान खात्यान दिल्ले म्हायती प्रमाण राज्यांत फुडल्या पांच दिसांत कमाल तापमानांत व्हड बदल जावपाची शक्यताय ना. बिरेस्तारा कमाल 34.3 जाल्यार किमान 25.5 अंश सेल्सिअस तापमानाची नोंद जाल्या. जाल्यार मुरगांवां कमाल तापमान 33.7 अंश आनी किमान तापमान 26.4 अंश सेल्सिअस आशिल्लें.
बिरेस्तारा पणजे आर्द्रता 78 टक्के जाल्यार मुरगांवां 80 टक्के आशिल्ली. फुडले सात दीस 80 ते 90 टक्क्या मेरेन आर्द्रता आसपाची शक्यताय आसा. ह्या सात दिसांत हीट इंडेक्स म्हणल्यार जाणवपी तापमान 40 अंश सेलिअस परस उणें उरपाची शक्यताय खात्यान उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.