भांगरभूंय | प्रतिनिधी
पणजी : मान्सून हंगाम सुरू जाल्ल्याक घसघश्यांनी रकपी पावसान फाटल्या दोन सप्तकांत कांयसो विसव घेतिल्लो. पूण, खुबश्या राज्यांनी पावसाचो नेट चालूच आसा. देशांतल्या मध्य आनी पश्चीम वाठारांत घोग्यांनी पावस आनी हुंवाराक लागून परिस्थिती गंभीर जाल्या. गुजरातांत फाटल्यान दोन दिसां सावन पडपी घोग्यांनी पावसाक लागून अहमदाबादा सयत जायत्या जिल्ह्यांनी हुंवाराची परिस्थिती निर्माण जाल्या.
२७ ऑगस्टाक दिल्ली- एनसीआरांत पावसाचो येलो अलर्ट जारी केलो. हलक्या ते मध्यम पावसाचो अदमास हवामान खात्यान उक्तायला. मंगळारा वराक ३० ते ४० किलोमीटर वेगान वारें वचपाची शक्यताय आसा, अशी म्हायती भारतीय हवामान विभागान दिल्या.
हवामान खात्यान गोंयांत २७ ऑगस्ट ते ३१ ऑगस्ट मेरेन पावसाचो येलो अलर्ट जारी केला. आयज मंगळारा राज्यांत धंय हांडीचो उत्सव आनी वट्ट पंदरा दिसांनी येवपी चवथीचो बोवाळ दिसता. तातूंतच सध्या पणजे मांडवी न्हंयेचे देगेर अश्टमेचे फेरयेक सुरवात जाली. उत्सवाचो बाजार करपा खातीर भायर सरिल्ल्या गोंयकारांची उमेद पावसाक लागून भंगपाची आसा अशें दिसूंक लागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
