भांगरभूंय | प्रतिनिधी
पांच कोटींच्या उदरगतीच्या येवजण्यांक सुरवात
दिवचल, प्रतिनिधी: नितळ आनी सुंदर सांखळे हो नारो येसस्वी करबपाक सगळे नगरसेवक आनी साखळे कारांनी विशेश सहकार्य केलां. उदरगतीचे हे प्रक्रियेंत दरेकल्यान समाजीक जापसालदारकेचें भान दवरू कार्यरत रावल्यार, नियोजन केल्यार कसलेच तरेची समस्या येवची ना. आयज गोंयांत सांखळे शार पायाभूत मूलभूत सुविधायां वांगडा शिक्षणीक, सांस्कृतीक, खेळां आनी हेर सुविधांनी फुडें आसा. केजी ते पीएचडी शिक्षणांची सुविधाय ह्या शारांत निर्माण करपाक येस आयलां. उदरगत अशीच चालूच दवरपा खातीर जनतेक केन्नाय त्रास सोंसचे पडटले. जाल्यारूच उदरगतीक पुरायेन सहकार्य मेळटलें अशें मुख्यमंत्री डॉ. प्रमोद सावंत हांणी सांगलें.
सांखळे पालिका वाठारांतल्या विवीध प्रभागांनी सुमार पांच कोटी रुपया खर्चून विवीध उदरगतीच्या येवजण्यांचो शुभारंभ मुख्यमंत्र्या हस्तुकीं जालो. हातूंत रस्ते, वीज वेवस्था, ल्हान पांयवाटो, पेवर्स बसोवप, सोबितीकरण, गटार येवजण, शौचालय आनी हेर येवजण्यांचो आसपाव आसा. हे कार्यावळीक मुख्यमंत्री मुखेल सोयरे ह्या नात्यान उलयताले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
