भांगरभूंय | प्रतिनिधी
पणजी, प्रतिनिधी : गोंयांत एम्ब्युलेन्सांची सेवा सुसज्ज करतले. नवीन 25 ते 30 एम्ब्युलेन्सी सयत 50 नव्यो बायक एम्ब्युलेन्सी सरकाराच्या ताफ्यान घेतले. ते भायर 10 कार्डियाक एम्ब्युलेन्सी सेवेत घालून काळजाचो आताक आयिल्ल्या लोकांक बेगोबेग उपचार दितले, अशे भलायकी मंत्री विश्वजित राणे हांणी सांगलें.
पावर ग्रीड ओफ इंडीयान गोंयच्या भलयाकी खात्यांक 8 एम्ब्युलेन्सी भेट दिल्यात. रानां भवन आल्तिन हांगासर भलायकी मंत्री विश्वजित राणे हांचे हस्तुकी तांचें उक्तावण जालें. ह्या वेळार ते उलयताले. ‘गोंयांत सुमार 14 एम्ब्युलेन्सी कंडम जाल्यात, तांचे बदला 25 ते 30 नव्यो एम्ब्युलेन्सी घेतले. ते भायर काळाजाच्या आकात आयिल्ल्या दुयेतींक वेगींच उपचार मेळचो म्हण 10 कार्डियाक एम्ब्युलेन्स घेतले आनी तातूंत एक- एक दोतोर आसतलो’, अशेंय भलायकी मंत्र्यान सांगलें.
‘बायक एम्ब्युलएन्स हे संकल्पनेची पुनर्रचणुक करतले. फुडल्या 4 ते 5 म्हयन्यांनी एम्ब्युलेन्सां खातीर 50 नव्यो दुचाकी घेतले. ह्यो एमब्युलेन्सी फक्त दर्यादेग वाठारांत तैनात करतले. दर्यात बुडपाची घडणुक घडल्यार तांकां मुळावो उपचार दिवपाचें काम पयलीं ही बायक एम्ब्युलेन्स करतली,’ अशेंय राणें हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
