भांगरभूंय | प्रतिनिधी
हरियाणांत एका वर्सांत सगळ्यांत चड बेकारी उणी जाली
नवी दिल्ली, खबरां संस्था ः हरियाणा विधानसभा वेंचणुकेच्या फकत 11 दीस आदीं आयिल्ल्या सरकारी अहवालांत म्हणलां, हरियाणां एका वर्सांत सगळ्यांत चड बेकारी उणी जाल्या. पीरियॉडिक लेबर फोर्स सर्व्हे 2023-24 प्रमाण हरियाणांत बेकारीचें प्रमाण 3.4% आसा, जें 2022-23 वर्सा 6.1% आशिल्लें. पूण, एका वर्सा भितर ते प्रमाण 2.7 टक्क्यांनी देंवले, जे देशांतल्या हेर राज्यां परस चड आसा. तेच बरोबर मध्य प्रदेश हें देशांतलें एकमेव राज्य, जंय बेकारीचें प्रमाण 1% (0.9%) परस उणें आसा. हे वळेरेंत गुजरात दुसऱ्या (1.1%) आनी झारखंड तिसऱ्या क्रमांकाचेर (1.3%) आसा. पर्यटना खातीर फामाद आशिल्ल्या गोंयांत बेकारीचें प्रमाण 8.5% आसा. देशांत सगळ्यांत चड साक्षरतेचें प्रमाण आशिल्ल्या केरळांत बेकारीचें प्रमाण 7.2% आसा.
बायलांचो वांटो 55% आनी दादल्यांचो वाटो 65% आसा. हे वळेरेंत बिहाराचो क्रमांक 29% आशिल्ल्यान सगळ्यांत सकयल आसा. ताचे उपरांत उत्तर प्रदेश (33.8%) आनी झारखंड (34.6%) आसा. देशांतल्या 25 राज्यांनी आनी केंद्रशासित प्रदेशांनी कामगार सहभागाचें प्रमाण राश्ट्रीय सरासरी परस चड आसा. तेच प्रमाण वट्ट लोकसंख्येंत काम करपी लोकांचो आंकडो पळयल्यार सिक्किम (58.2%) पयल्या क्रमांकाचेर आसा. छत्तीसग[ (51.3%) दुसरें क्रमांकाचेर आसा.
महाराष्ट्रांतले 46% लोक एक तर काम करतात वा काम सोदतात.
कामगार सहभागाच्या दरा नदरेन 11 मुखेल राज्यांचे वळेरेंत छत्तीसगड (52.8%) पयल्या क्रमांकाचेर आसा. महाराष्ट्र (46%) दुसरें आनी गुजरात (45.8%) तिसरें आसा. देशांतल्या सगळ्या पिरायेच्या गटां खातीर हें 40.3% आसा. 2022-23 वर्सा तें 39% आशिल्लें.
देशांतले 39% स्वताचो वेवसाय करपी लोक एकटेच काम करतात. १९.४% लोक आपल्या कुटुंबीक वेवसायांत मजत करतात. तांकां वेगळे पगार दिनात. चडांत चड 82% लोक शेतकी मळार स्वताचो वेवसाय करतात. 17% लोक दिसपट्टें काम करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
