भांगरभूंय | प्रतिनिधी
भांगरभूंय । प्रतिनिधी
बेळगांवः केएलईएस डॉ प्रभाकर कोरे हॉस्पिटलांतल्या दोतोराच्या एका पंगडान जल्म जावंन 40 दीस जाल्ल्या गोंयांतल्या एक भुरग्यांचेर काळजाचीं स्पंदना चालू आसता ल्हान ट्यूब वापरून कॅथेटर्स ही शस्त्रक्रिया केली. ह्या भुरग्याच्या रगताचे शिरेंत कांय दोश आशिल्लो. ओपन हार्ट शस्त्रक्रिया करनास्तना दोतोरांनी हो दोश पयस केलो.
डॉ कोरे हॉस्पिटटलांत केल्ली अशे तरेची ही दुसरी शस्त्रक्रिया आसा. भुरग्या मदी जल्म जाल्लो तेन्ना सांवन सायनोटिक व्हो काळजाचो दोश आशिल्लो भुरग्याच्या जिवाक चड धोको आशिल्ल्यान शस्त्रक्रिया करपाक पालकांनी न्हयकार दिलो. काळजांत बुराक पडल्यार ऑक्सिजनयुक्त आनी डिऑक्सिजनयुक्त रगत भरसता. केएलईएसच्यो दोतोरांच्या पंगडान एक आव्हान अशें समजून ही शस्त्रक्रिया केली.
अशे तरेची ही शस्त्रक्रिया फकत केएलईएस हॉस्पिटलांत जाय ती उपकरणां आशिल्ल्यान करपाक जाता. गोंयांतली डॉ मनिषा भांडणकार हिणे शस्त्रक्रिया करपाक म्हत्वाचें योदान दिलें अशें दोतोरांच्या पंगडाचो मुखेली डॉ दानिश मेमन हांणी सांगलें. गोयांतल्या जीएमसीन धाडल्ल्या एका भुरग्याचेर आमी अशीच शस्त्रक्रिया येसस्वीपणान केल्ली अशी म्हायती ताणे दिली. दर 10 हजार भुरग्यां फाटल्यान एका भुरग्याक अशें दुयेंस जाता अशें डॉ सुरेश पटले हाणे सांगलें.
डॉ दानिश मेनन, डॉ सुरेस पटेल, डॉ संजय पोरवार आनी डॉ मनिषा भांडणकार ह्या दोतोरांच्या पंगडान ही शस्त्रक्रिया केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.