भांगरभूंय | प्रतिनिधी
भांगरभूंय । प्रतिनिधी
बेळगांवः लोकसभा वेंचणुकेचे फांटभुंयेर गोंयांतल्या सोरो हाडपाचे प्रकार वाडपाक लागल्ल्यान बेळगांव जिल्हो प्रशासनात गोंयच्या शीम वाठारातल्या चेक नाक्यांचेर बारकायेन नदर दवोरपाक सुरवात केल्या. कणकुंबी, पिरणवाडी, शिनोली आनी शिमे कडल्या हेर वाठारांत गस्त वाडयल्या. रोख पयशाचें हाडप- व्हरप चलिल्ल्यान दरेका वाहनाची खरसाणेन तपासणी करपाचो आदेश अधिकाऱ्यांनी दिला.
बेळगांव म्हापालिकेचे उपायुक्त नीतेश पाटील, आनी पुलीस आयुक्त मार्टिन मोरबोनींग आनी हेर वरिश्ठ अधिकाऱ्यांनी बुधवारा सोऱ्याची बेकायदेशीर येरादारी करपी आनी रोख रक्कम व्हरपी वाहनांची पळोवणी केली. बेळगांवच्या ग्रामीण विधानसभा मतदारसंघांतली कांय वाहना चेकपोस्टा लागीं तांकां दिसली. तांणी स्वता ताचीं तपासणी केली. लोकसभा वेंचणुकेची आचार संहिता लागू जाल्ल्यार बेकायदेशीर सोरो आनी पयशांची रोकड हाचेर नदर दवोरपाची गरज आसा. चेक पोस्टांर आशिल्ल्या कर्मचाऱ्यांक तांची वळख सांगपी बॅज घालपाक सागालां. दरेका वाहनाच्या तपासणेचो अहवाल रजिस्टरांत बरोवपाक सांगला अशे नीतेश पाटील हांणी पत्रकारांक सांगलें.दरेका चेकपोस्टार जाय तितल्या पुलिसांक दवोरतले अशें पुलीस आयुक्तान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
