भांगरभूंय | प्रतिनिधी
पणजीः संवसारभर तशेंच गोंयांतय गूड फ्रायडे पाळ्ळो. पणजे इगर्जेंत कार्डिनल आर्चबिशप फिलीप नेरी फेर्रांव हांणी गूड फ्रायडेचे मीस दिलें. आयज आनी फाल्यां आमच्या भितरल्या मनांत जेजू क्रिस्ताच्या कश्टांचो नियाळ घेवया. जेजू क्रिस्ताचो शीम आनी मेर नाशिल्लो मोग आनी ताची काळकूट बरी खोलायेन अणभवया. हे भशेन आमचे जिवितांत नवी सुरवात करून पास्काचे परबेक येवकार दिवया, असो संदेश आर्चबिशपान दिलो.
शुक्रारा सांजवेळार पणजे इगर्जेंत गूड फ्रायडे पाळ्ळो. कार्डिनल आर्चबिशप फिलीप नेरी फेर्रांव हांणी शेरमांव दिलो. खुर्सार मारिल्ली जेजू क्रिस्ताची मूर्त इगर्जेंत हाडली. लोकांनी तिका नमन करून बेसांव घेतलें. उपरांत जेजू क्रिस्ताची कूड घेवन इर्गर्जेंत पुरसांव काडलो. गूड फ्रायडे दिसा शुक्रारा जेजू क्रिस्ताक खुर्सार मरण आयिल्ले दोन दीस उपरांत आयतारा जेजू क्रिस्ताची मेल्ल्यातल्यान मिलाग्र जाली. देखून आयतारा हो पास्काचो दीस मनोवन ख्रिस्ती धर्माचो पवित्र म्हयनो कोरेज्म सोंपता.
आमची पातकां पासत सुटका करून आमका दैवी जीण फावो करूंक जेजू क्रिस्त निमाणे मेरेन खुर्सारच रावलो. जेजून आमच्या पातकांक लागून कश्ट भोगले. देखून तांच्या कश्टांक आमी आमच्या मोगाची जाप दीत कोरेज्म सोंपचे पयलीं सगलीं पातकां आनी पातकां करपी संवयी सोडून दिवया, असो उलो आर्चबिशप हांणी मारलाे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
