भांगरभूंय | प्रतिनिधी
पणजी, प्रतिनिधी: गोंयभरच्या स्कुलांनी १८ एप्रील सावन संसारीक दायज सप्तक मनोवप सुरू जालां. सप्तकभर स्कुलांनी पर्यावरण आनी इतिहासीक दायजाचेर जागृताय करपा खातीर विवीध कार्यावळींचें आयोजन केलां. सगळ्या स्कुलांनी हातूंत वाटेकार जावचें अशें आवाहन करपी परीपत्रक शिक्षण खात्यांनी काडलां.
प्राकृतीक इतिहासाचें राष्ट्रीय संग्रहालय, केंद्रीय पर्यावरण, रान आनी हवामान बदल खातें, भारतीय जंगलीजीव संस्था गट २ हांच्या जोड पालवान २४ एप्रील मेरेन संवसारीक दायज सप्तक मनयतले. ह्या सप्तकांत शाळांक आस्पावन घेवपाचो निर्देश केंद्रान राज्याच्या शिक्षण खात्यांक दिला. संवसारीक सप्तका दिसा स्कुलांनी लघुपट दाखवचो आनी चित्रकला सर्त घडोवन हाडची. अशेंय सांगलां.
स्कुलांनी कार्यावळींचो अहवाल ३० एप्रील मेरेन खात्याक धाडचो. एकंदरीत कार्यावळींचें आयोजन, ४ फोटो, २ मिनटांचो व्हिडिओ आनी विद्यार्थ्यांचो आंकडो धाडचो. ते भायर चित्रकला सर्त खातीर पयलें इनाम १ हजार, दुसरें २ हजार आनी तिसरें १५०० इतलें दवरलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
