भांगरभूंय | प्रतिनिधी
गोंयच्या बायलांच्या पंगडान छत्तीसगड पंगडाक 41 धांवड्यांनी हारोवन 34वी सिनीयर राष्ट्रीय टॅनीस बॉल क्रिकेट सर्त जिखली. सर्त तामिळनाडूच्या रामनाथपुरमाच्या एमएच साठक अभियांत्रिकी म्हाविद्यालय हांगा आयोजीत केल्ली.
ते पयलीं जाल्ले सेमी फायनलींत गोंयच्या पंगडान उत्तर प्रदेशाक हारयिल्लो. उत्तर प्रदेशान पयलीं बॅटींग करतना 6 ओव्हरींनी 3 विकेटी वगडावन 40 धांवड्यो केल्ल्यो. संतोषी तुयेंकारान 13 धांवड्यो दिवन 1, जाल्यार दिक्षा कांबळीन चार धांवड्यो दिवन 1 विकेट घेतिल्ली. गोंयान मेळिल्ली मोख 4.2 ओव्हरींनी हुपली. दिक्षा कांबळीन नाबाद 31 जाल्यार अमिशा शेटगांवकारान नाबाद 11 धांवड्यो केल्यो.
फायनल मॅचींत गोंयान पयलीं बॅटीगं करतना 8 ओव्हरींनी 71 धांवड्यो केल्यो. दिक्षा कांबळीन परत एकदां उत्कृश्ट प्रदर्शन करतना नाबाद 41 धांवड्यांची खेळी केली. जाल्यार अमिशा शेटगांवकारान नाबाद 26 धांवड्यो केल्यो. मोखीचो फाटलाव करपी छत्तीसगडाक 8 ओव्हरींनी 5 विकेटी वगडावन 30 धांवड्यो करप शक्य जाल्यो. सिद्धी च्यारीन 11 धांवड्यो दिवन 2, संतोषी तुयेंकारान 14 धांवड्यो दिवन 1 आनी दिक्षा कांबळीन 7 धांवड्यो दिवन 1 विकेट मेळयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.