भांगरभूंय | प्रतिनिधी
मुंबय उच्च न्यायालयाची अधिसुचोवणी
पणजी: मुंबय उच्व न्यायालयान गोंयांतल्या पांच वकिलांची ज्येश्ठ वकील म्हूण नेमणूक केल्या. तशेंच मुंबयंतल्या 23 वकिलांची ज्येश्ठ वकील म्हूण नेमणूक केल्या. हे विशींची अधिसुचोवणी मुंबय उच्च न्यायालयाचे महानिबंधक आर. एन. जोशी हांणी जारी केल्यात.
जारी केल्ले अधिसुचोणे प्रमाण गोंयचे अॅडव्होकेट जनरल देविदास पांगम हांचे सयत हळदोणेंचे आमदार अॅड. कार्लुस फेरेरा, क्लिओफात कुतिन्हो, संदेश पडियार आनी नॉर्मा आल्वारीस हांचो आस्पाव आसा.
तशेंच मुंबय उच्च न्यायालयांतले अॅड. मंजुळा राव, अब्दूल मेमन, सीमा सरनाईक, हर्षद निंबाळकर, दिलीप पाटील, मोहन सुदामे, सुदीप पासबोळा, रोहन शाह, रविंद्रनाथ शेट्टी, प्रशांत चव्हाण, नीता करनाईक, झरीर भरुछ्चा, प्रशांत काटणेश्वरकर, फिरदोझ मिर्जा, सुबोध देसाई, विनय सोनपाल, सुरेल शहा, सायरस आर्देशीर, अक्षय नाईक, नौशाद इंजिनीयर, गौतम अनखड, सिमील पुरोहीत आनी देवेंद्र चौहान हांचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
