भांगरभूंय | प्रतिनिधी
भांगरभूंय । खबरां मेज
पणजीः दोनापावला डॉ श्यामा प्रसाद मुखर्जी स्टेडियमांत आयोजीत केल्ल्या गोंय आंतरराष्ट्रीय ट्रॅव्हल मार्ट 2024ते कोंकण रेल्वे म्हामंडळान वांटेकार जावंन आपली पर्यटन तांक आनी अभियांत्रिकी कुशळतायचें प्रदर्शन लोकांक घडयलें.
कोंकण रेल्वेच्या दालनांत कोंकण रेल मार्गा वयले बोगदे आनी अभियात्रिकी कुशळतायची म्हायती दिवपाची वेवस्था रेल्वेन आपल्या दालनांत केल्या. लोक ह्या दालनाक भेट दिवंन म्हायती घेतना दिसतात. 3 तें 4 एप्रील अश्या दोन दिसांच्या ह्या ट्रॅव्हल मार्टांत पर्यटन ऑफर आनी सेवाचें प्रदर्शन जालें.
कोंकण रेल्वेच्या बोगद्यांची आनी अभियांत्रिकी कामगिरी विशींची म्हायती घेतना कोकण रेल्वे मार्गार पळोवपा सारकी सैमीक थळां खंय आसात हाची पर्यटकांक संद मेळ्ळी. गोंयांत शाश्वत पर्यटनाक चालना दिवपा खातीर ट्रॅव्हल मार्टाचो उपेग जातलो अशें कोंकण रेल्वे म्हामंडळाच्या अधिकाऱ्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
