भांगरभूंय | प्रतिनिधी
फोंडें, प्रतिनिधी: रवी एस. नायक कला आनी विज्ञान म्हाविद्यालयांत तिसरें वर्स कला फांट्यांत शिकपी प्रबल सावंत हाची ब्राझीलांत जावपी संवसारीक बीच व्हॉलीबॉल ह्या विद्यापीठीय पांवड्यावेले सर्तींत भारतीय विद्यापीठाचें प्रतिनिधित्व करपाक निवड जाल्या. २ ते ८ सप्टेंबर ह्या काळांत ह्यो मॅची जातल्यो.
प्रबल सावंत संवसारीक विद्यापीठ अजिंक्यपद सर्तींत भारतीय विद्यापीठाचें प्रतिनिधित्व करपी गोंयचो पयलो खेळगडो थारला.
फोंडें शिक्षण संस्थेचे अध्यक्ष तशेंच कृषी आनी हस्तकला मंत्री रवी नायक हांणी प्रबल सावंत हाचें म्हाविद्यालयाचे प्राचार्य प्रो. विकास पिसुर्लेकार, उपप्राचार्य डॉ. सतीश केळुसकार, म्हाविद्यालयाचे शारीरिक शिक्षण संचालक आदर्श फडते गांवकार आनी शारिरीक शिक्षण प्रशिक्षक प्रलय गावडे हांचे हाजेरींत परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
