भांगरभूंय | प्रतिनिधी
26,844 कोटींची तजवीज
2324.65 कोटी भलायकी क्षेत्रा खातीर
2687.54 कोटी बांदकाम खात्या खातीर
पणजीः ग्रामीण गोंयाक प्राधान्य दिवन रोजगारांच्या संदीचेर भर दिवपी 2023-24 वर्सा खातीरचो 26,844.80 कोटींची तजवीज आशिल्लो अर्थसंकल्प मुख्यमंत्री डॉ. प्रमोद सावंत हांणी बुधवारा विधानसभेंत सादर केलो.
ह्या अर्थसंकल्पांत फाटल्या वर्साचे तुळेंत 9.71 टक्के वाड आसून 59.39 कोटींचो हो शिलकी अर्थसंकल्प. हातूंत महसुली वांटो 19,768 कोटी आनी भांडवली वांटो 7,075 कोटी आसा. आभासी येवजण्यां खेरीत सर्वसामान्यांक चडांत चड प्रवाहांत हाडपाचेर ह्या अर्थसंकल्पांत प्राधान्य आसा. भलायकी क्षेत्रा खातीर 18 टक्क्यांनी तजवीज वाडोवन ‘सबका साथ, सबका विकास’ ह्या तत्वां प्रमाण मुख्यमंत्री डॉ. सावंत हांणी ह्या अर्थसंकल्पांत मोख दवरल्या. लोकांचेर कसल्याच वाडीव कराचो आस्पाव ह्या अर्थसंकल्पांत ना.
भलायकी क्षेत्रा खातीर वाडीव तजवीज
-2324.65 कोटी रुपयांची तजवीज; 18 टक्के वाड.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
