भांगरभूंय | प्रतिनिधी
वाळपय, प्रतिनिधी: लोकसभे खातीर ७ मेक वेंचणूक जातली. हाका लागून पुराय गोंयांत नेटान तयारी चल्ल्या. सकाळचीं ७ वरां ते सांजेवेळार ५ वरां मेरेन विंगड विंगड मतदान केंद्रांचेर मतदान जातलें. चडांत चड मतदान जावचे खातीर सरकार यत्न करता. येवपी मतदानांत बरे तरेचें वातावरण निमारण जावचें आनी पर्यावरणाचे नदरेन मतदान करतना एक वेगळे तरेची उमेद निर्माण जावचे खातीर सत्तरी म्हालांतल्या पर्यें मतदार संघांतल्या पिसुर्ले पंचायत वाठारांतल्या कुंभारखण हांगा हरित मतदान केंद्राची निर्मिती केल्या.
ह्या मतदान केंद्राची पुरायेन सैमीक नदरेन सजावट केल्या तशेंच सोबीत रांगोळीय घातल्या. ताका लागून ह्या मतदान केंद्राचेर मतदान करपा येवपी मतदाराक एके वेगळे तरेचें समाधान मेळचें हे नदरेन हें मतदान केंद्र रचलां.
सत्तरीचे उपजिल्हाधिकारी निलेश धायमोडकार हांच्या मार्गदर्शना खाला हें मतदान केंद्र तयार केलां. हाका मतदान केंद्राचेर कार्यरत आशिल्ले कर्मचारी विद्यालयाच्या आंगणांत काम करपी शिक्षक वर्ग आनी गांवांतल्या ग्रामस्थांच्या जोड पालवान हें मतदान केंद्र तयार केलां.
मजगतीं, गोंयचीं जायत्या मतदान केंद्रांची सजावट केल्ल्याचें पळोवपाक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
