भांगरभूंय | प्रतिनिधी
काब द राम वाठारांतली घडणूक
मडगांव, प्रतिनिधी ः कुड्डी-काणकोणांतल्या काब द राम वाठारांतल्या शाबू वेळीप हांच्या घराक एलपीजी गॅस गळटेक लागून उजो लागलो. घरांतलो गॅस सिलिंडर आनी हेर सामान लासलें. उजो पालयतना अभिषेक वेळीप (28) हाका किरकोळ जखम जाल्या. कुंकळ्ळे उजो पालोवपी दळान दोन लाखांची मालमत्ता वाचवपाक येस मेळयलें.
मेळिल्ले म्हायती प्रमाण, शेनवारा सकाळीं ही घडणूक घडले बरोबर लोकांनी कुंकळ्ळें उजो पालोवपी दळाक म्हायती दिली. उजो पालोवपी दळाचे अधिकारी शिवाजी फडके, ड्रायव्हर विनय वेळीप आनी फायर फायटर हरी पावसकार घडणूक सुवातेर हजर जाले. हे घडणुकेंत गॅस सयत रांदचे कुडींतलें सामान उज्यांत लासले. सुमार 5 ते 10 हजारांचें लुकसाण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
