भांगरभूंय | प्रतिनिधी
पणजी : गुळे, काणकोणा मंगळुरूची नोंदणी आशिल्ली एक जीप रस्त्यावेलें नियंत्रण सुटून सरळ वचून शेतांतल्या झाडार वचून आपटून उमथली. हातूंत दोग जाण जखमी जाले.
हे विशीं मेळिल्ले चड म्हायती प्रमाण, जीप वेगान आसतना चलकाचें वाहनावेल्यान नियंत्रण सुटलें आनी ती रस्त्यावेल्यान शेतांत गेली. जीप शेतांतल्या झाडाक आपटल्ल्यान बरेंच लुकसाण जालें.
अपघाता उपरांत थळाव्यांनी रोखडीच मजत करपाक सुरवात केली. जखमींक उपचारा खातीर हॉस्पिटलांत व्हेले. काणकोण पुलिसांनी हे घडणुकेची नोंद केल्या. फुडलो तपास चालू आसा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
