भांगरभूंय | प्रतिनिधी
काणकोण, प्रतिनिधी : मडगांवच्यान आगोंद वतना काल सांजेवेळार शिमिटाच्यो पोतयो घेवन वचपी ट्रक गुळें- आगोंदा वोल्ताचेर उमथलो. ट्रकांत आशिल्ले कामगार आनी ट्रक चालकाक मार बसला. उपरांत त्या ट्रकांतल्यो सिमेंटाच्यो पोतयो दुसर्या ट्रकांत घालून आगोंदा व्हेल्यो.
ज्या वोल्तार हो ट्रक उमथलो थंयच थळाव्यो बायलो गांवठी भाजी विकपाक बसतात. चालकान वेळार ट्रक मुखार व्हेल्ल्यान आनी कांय बायलो कुशीक धांविल्ल्यान दुर्घटना जावपा पसून वाटावली, अशी म्हायती थंय आशिल्ल्या वाहन चालकांनी दिली. ह्या वोल्तार आदींय खूब अपघात घडल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
