भांगरभूंय | प्रतिनिधी
गुरुवारपणार बायलेची अवस्था नाजूक आसता. अशा वेळार आवय आनी भुरग्याची भलायकी निरोगी उरचे खातीर पुश्टीक आनी सात्वीक आहार घेवपाक दोतोर सांगतात. आडसराचें उदक भलायके खातीर सामकें फायद्याचें. जायते फावटीं गुरवारपणार आडसराचें उदक पिवचें न्हय अशें सांगतात. ताका लागून ह्या वेळार तें पिवचें काय ना असो प्रस्न पडटा. तें पिवप कितलें फायद्याचें हें पळोवया.
आडसराच्या उदकाचे फायदे
आडसराच्या उदकांत कॅलरीज खूब उण्या प्रमाणांत आसतात. एक कप म्हळ्यार २४० मिलिलीटर आडसराच्या उदकांत ४६ कॅलरी, ३ ग्राम फायबर आनी २ ग्राम व्हिटामीन आसता. देखून आडसराचें उदक सदांच पियेल्यार तातुंतल्या म्हत्वाचीं तत्वां मेळटात. आडसराचें उदक पिल्यार कुडीक उर्जा मेळटा आनी ताका लागून गॅस- ऍसिडीटी सारकिल्ले त्रास जायनात. दर दिसा आडसराचें उदक पिल्यार कुडीक कॅल्शियमाचीय पुरवण जाता. गुरवारपणांत आडसराचें उदक पिल्यार कुडीक कसलेच त्रास जायनात.
आडसराचें उदक हें सैमीक इलॅक्ट्रॉलायट पेय. तें शरिरांत उदकाचो उणाव जाणवपाक दिना. गुरवारपणांत हें चड म्हत्वाचें. पूण तरी लेगीत लोकांक आडसराचें उदक पिवपा विशीं अजूनय गैरसमज आसात.
गुरवारपणांत आडसराचें उदक पियेल्यार जावपी फायदे
कांय गैरसमज
कितलें उदक पिवचें?
आडसराचें उदक पुश्टीक आसा म्हूण तें अतिप्रमाणांत पिवप चुकीचें. कारण हातूंत पोटॅशियम आशिल्ल्यान तें काळजाची गती वाडयता. ताका लागून दिसाक १ ते २ ताज्या आडसराचें उदक पिवचें. ताचे परस चड पिवचें न्हय. जबरदस्तीन आडसराचें उदक पिवचें न्हय. घरगुती आडसरां मेळ्ळ्यार बरीं. बाजारांत आयज आडसराचें मोल ४० ते ६० रुपयांचेर पावलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
