भांगरभूंय | प्रतिनिधी
म्हापशेंः गिरी ग्रीन पार्क जंक्शनावेल्या उड्डाण पुलाचेर इनोव्हा मोटार आनी दुचाकी मदीं भिरांकूळ उपघात जालो. ह्या अपघातांत जखमी जाल्लो दुचाकी चलोवपी श्रेयांश तेली (24, पेडणें) हाका उपचारा मजगतीं मरण आयलें.
मेळिल्ले म्हायती प्रमाण, अपघाता उपरांत श्रेयांश तेली हाका रोखडोच गंभीर स्थितींत उपचारा खातीर हॉस्पिटलांत व्हेलो. पूण ताचेर उपचार चालू आसतना ताका मरण आयलें. अपघाता उपरांत वाठारांत कांय वेळ येरादारीची कोंयडी जाल्ली. पुलिसांनी घडणूक सुवातेर येवन अपघाताचो पंचनामो केलो. फुडलो तपास पुलीस करतात.
गाडी चलयतना जतनाय घेयात: येरादारी पुलीस
मजगतीं, वाडत वचपी अपघाता उपरांत येरादारी पुलिसांनी नेमांक पाळो दिवन वाहनां चलोवचीं असो उलो केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
