भांगरभूंय | प्रतिनिधी
नवी दिल्ली, खबरां संस्था: गिमाळ्यो सुटयो आनी सगळे कडेन वेंचणुकांक लागून विमान प्रवाशांचो आंकडो वाडत आसा. एप्रील ते जून मजगतीं २४,२७५ अतिरिक्त देशां खाला विमान सेवा सुरू जातल्यो. उड्डाणांचें गिमाळें वेळापत्रक नागरी उड्डाण मंत्रालयाच्या देखरेखींत तयार केलां.
मंत्रालयाच्या अधिकार्यान सांगलें, वेंचणुकांक लागून नव्या विमानतळांचेर प्रवाशांची मागणी वाडल्या. ताका लागून २४,२७५ अतिरिक्त देशांतर्गत विमानां निश्चीत केल्यांत. नेमान वचपी विमानां सोडल्यार आनीक १३ एअरलायन्स विमानां चलयतले. हातूंत विस्ताराचीं २,३२४, स्पायस जेटचीं १,६५७, इंडिगो १३,०५०, एअर इंडिया २,२७८ आनी एअर इंडिया एक्स्प्रेसाच्या १,२३९ फ्लायटांचो आसपाव आसा. दिल्ली, मुंबय, चेन्नय, कोलकाता, हैदराबाद ह्या व्हडल्या शारांतल्यान अलिगड, चित्रकूट, जळगांव, पिथौरागड अश्या ल्हान विमानतळां खातीर आनी विमानां आसात.
१२५ विमानतळां वयल्यान चड विमानां उडटलीं, सगळ्यांत चड ४७२ दिल्लीच्यान
मंत्रालयाच्या अधिकार्यांनी सांगिल्ले प्रमाण, ह्या वेळार गिमाच्या वेळापत्रकांत विमानांचो आंकडो फाटल्या वर्सा परस ६% चड आसा. देशांतल्या १२५ विमानतळां वयल्यान हीं विमानां चलतलीं. दिल्लीच्यान सदांच ४७२, मुंबय ३२५, बंगळुरू ३१९, हैदराबाद २१९, कोलकाता १७६, चेन्नय १५२, अहमदाबाद ९९, पुण्यांच्यान ८८, गुवाहाटी ५५, लखनव ५३, जयपूर ५३, कोची ५२, गोंय ९०, श्रीनगर ४५, भुवनेश्वर ४१, इंदूरच्यान ४१, पाटणा ३५ आनी चंडिगडच्यान ३४ अशीं विमानां उडपाचीं आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
