भांगरभूंय | प्रतिनिधी
मुख्यमंत्र्यान नाणूसच्या विश्व गोसंवर्धन केंद्राक दिली भेट
वाळपय: गायची राखण जावप ही काळाची गरज. गायो राखपाची जापसालदारकी प्रामाणीकपणान सांबाळपी नाणूस हांगच्या सत्तरी अखील विश्व गोसंवर्धन केंद्र शाळेच्यो समस्या सोडोवपाचे नदरेन निश्चीतूच यत्न करतले. हे विशीं चिंता करपाची गरज ना. ज्यो समस्या ह्या वेस्थापन मंडळान सरकाराकडेन मांडल्यात त्यो टप्प्याटप्प्यान सोडयतले, अशें आस्वासन मुख्यमंत्री प्रमोद सावंत हांणी दिलें. तांणी हे गोशाळेक भेट दिवन हांगचे परिस्थितीची पळोवणी केली. तशेंच गोमाता मंदिरांत पुजन केलें आनी गोशाळेक परबीं भेटयलीं.
ह्या वेळार छोटेखानी आयोजीत केल्ले कार्यावळींत नगरसेवक शेख फैजल, रामदास शिरोडकार, वसईद्दीन शेख आनी शाळेचे वेवस्थापन समितीचे अध्यक्ष हनुमंत परब, लक्ष्मण जोशी, रघुनाथ धुरी आनी हेर हाजीर आशिल्ले.
वेवस्थापन समितीचे अध्यक्ष हनुमंत परब हांणी तांचे मुखार मांडिल्ल्या समस्यां विशीं सरकार विचार करतलें अशें आस्वासन दिलें. सध्या पांचव्या तणाचो उणाव आसा. कर्नाटकांतल्यान हें तण हाडचें पडटा. ताका लागून अर्थीक मजत जाय. तशेंच सरकारान कोपार्डे हांगा आशिल्ले पशू पैदास केंद्राच्या वाठारांत आशिल्ले जमनींत पांचवें तण निर्माण करपा खातीर गोशाळेक आनी शेतकारांक संद दिवची अशी मागणी ह्या वेळार तांणी केली. हे विशीं सरकारान विचार करचो अशी मागणी ह्या वेळार तांणी केली.
मुख्यमंत्र्यान ह्या वेळार गायची पुजा केली. लक्ष्मण जोशी हांणी गायत्री मंत्र सादर केलो. हनुमान परब हांणी सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
