भांगरभूंय | प्रतिनिधी
फोंडें: गांजे उसगांवां फाटल्या कांय दिसांच्यान नळांतल्यान खदूळ उदक येता. उदक नितळ करचे खातीर बसयिल्लो फिल्टर चिखलान भरला, असो दुबाव थळावे लोक उक्तायतात. बांदकाम खात्याच्या अभियंत्यांनी ह्या प्रकरणांत लक्ष दिवपाची मागणी थळाव्या लोकांनी केल्या. फाटल्या कांय दिसांच्यान गांजे वाठारांत नळांतल्यान खदूळ उदकाची पुरवण जाता. ताका लागून लोकांचे भलायकेचेर परिणाम जावपाचो भंय लोकांनी उक्तायला. म्हादय न्हंयचें उदक पंप लावन थळाव्या लोकांक दितात. न्हंयेचें उदक दिसपाक नितळ दिसता, पूण नळांतल्यान येवपी उदक मात खदूळ आसता. हे खातीर उदकाचो फिल्टर बदलचो अशी मागणी लोकांनी केल्या. म्हादय न्हंयेचें उदक ओपा प्रकल्पांत व्हरून फोंडें आनी तिसवाडी म्हालाक पुरवण करतात. पूण थळाव्या लोकांक मात अजून प्रकल्पांत शुद्धिकरणण केल्लें उदक उपलब्ध करून दिवपाक सरकाराक येस येवंक ना, हे खातीर थळाव्या लोकांनी तिडक उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
