भांगरभूंय | प्रतिनिधी
जून म्हयन्याक सुरवात जाल्या. मजगतीं, भारतांतल्या वेगवेगळ्या वाठारांनी भुरग्यांक अजूनय सुटी आसा. तशेंच जुनांत हवामान तितलें गरम नाशिल्ल्यान ह्या म्हयन्यांत जायते जाण पिकनीक करपाचें थारायतात. आयज आमी तुमकां अशा जाग्या विशीं सांगपाचे आसात. जंय मळब धर्तरेक मेळटा. ह्या सर्गीय थळाक भेट दिवपाची संद भारतीय रेल्वे तुमकां दिता.
ही सुवात दर्या पसून ११,४०० फूट उंचायेचेर आसा
आयज आमी तुमकां भारतीय रेल्वेचे (IRCTC) जे पॅकेजी विशीं सांगतले ती सुवात लडाख जावन आसा. सिंधू न्हंयचे देगेर आशिल्ली ही सुवात धर्तरेचेर स्वर्गाची भावना दिता. लडाखाचे उत्तरेक काराकोरम हांगा मळबाक तेंकपी इमारती आसात आनी दक्षिणेक सोबीत हिमाचल आसा. दर्याथरा सावन ११,४०० फूट उंचायेचेर आशिल्लें लडाख फकत सैमीक सोबीतकायेक लागूनच फामाद न्हय, तर हजारांनी वर्सांच्या संस्कृताय आनी इतिहासाचीय ही सुवात. तुमकांय हांगा भेट दिवपाची आसल्यार आयआरसीटीसी तुमकां मजत करतली. सदां भशेन आयआरसीटीसी तुमकां मुंबय ते लडाख मेरेनची खाशेली टूर पॅकेज हाडटा.
ह्या टूर पॅकेजीं विशीं जाणून घेयात..
आयआरसीटीसीच्या ह्या मुंबय ते लडाख टूर पॅकेजीचें नांव EXOTIC LADAKH (WM49). हें पॅकेज १० जून सावन सुरू जातलें. मुंबय सावन लडाख मेरेनचो प्रवास ६ राती आनी ७ दिसांनी पुराय जातलो. हे भोंवडेर लेह- लडाखांतल्या नामनेच्या सुवातींक भेट दितले. शाम व्हॅली, लेह, नुब्रा, तुर्तुक, थांग झिरो पॉइंट, पँगॉन्ग हांगा व्हरतले. तुमकां तुमच्या सोयी प्रमाण पॅकेज शुल्क भरचें पडटलें.
१० जून उपरांतूय हें पॅकेज आसतलें?
कांय कारणांक लागून १० जून दिसा वचूंक मेळना जाल्यार आयआरसीटीसी तुमकां आनीक एक संद दिता. तशेंच २४ जून, १४ जुलय आनी १० ऑगस्टाक ह्या टूर पॅकेजींचो लाव घेवंक मेळटलो. ह्या तारखां खातीर सगळ्यो पॅकेजी सुविधा १० जून सावन सुरू जावपी पॅकेजी प्रमाणच उरतल्यो.
पॅकेजींत खंयच्यो सुविधा मेळटल्यो?
तुमकां मुंबय ते लेह आनी लेह ते मुंबय परत येवपाची सुविधा मेळटली. लेह उपरांत एसी वा बिगर एसी वाहनांतल्यान लडाख व्हरतले. आयआरसीटीसीच्या ह्या पॅकेजींत तुमकां तंबू आनी कॅम्प सारकिल्या सुवातींनी रावपाची सुविधा मेळटली आनी लडाखाची सोबीतकाय अणभवपाक मेळटली. हाचे भायर तीन नखेत्रांचें हॉटेल हे पॅकेजींत आस्पावतात. पॅकेजींत तुमकां जेवण, नाश्तो, जेवणाची सुविधा मेळटली, दरेक गाडयेंत ऑक्सिजन सिलेंडरय दवरतले जाका लागून खंयच्याच प्रवाशाक स्वासाचो कसलोच त्रास जावचो ना.
कितलो खर्च येतलो?
वयर सांगिल्ले प्रमाण तुमकां सोयी प्रमाण पॅकेजीचे शुल्क भरचें पडटलें. सिंगल ऑक्युपन्सी खातीर ६४,५०० रुपया, डबल ऑक्युपन्सी खातीर ५९,५०० रुपया आनी तीन लोकां खातीर ५८,९०० रुपया दिवचे पडटले. ५ ते ११ वर्सां पिरायेच्या भुरग्याक ४२ ते ५२,६०० रुपया खर्च येतलो. हें भाडें तुमी भुरग्या खातीर बसका घेतात काय ना हाचेर आदारून आसतलें.
पॅकेज कशी बूक करची?
तुमी हें पॅकेज ऑनलायन आनी ऑफलायन दोनूय प्रकारांनी बूक करूंक शकतात. पॅकेजींचें बुकींग ‘पयलें येवपी पयली सेवा’ तत्वाचेर जातली. पुणे, मुंबय, नागपूर आनी कोल्हापूर ह्या पर्यटन खात्याक भेट दिवन तुमी हें पॅकेज ऑफलायन बूक करपाक शकतात. इंटरनॅटा वरवीं तुमी ऑनलायन बुकींग करूंक शकतात. आयआरसीटीसीचे अधिकृत वेबसायटीचेर क्लीक करपाक शकतात. हे पॅकेजीचो कोड WMA49 असो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
