भांगरभूंय | प्रतिनिधी
पणजी: राज्यांतले गतीशक्ती कार्यावळीक फुडारांत आनीक गती दितले. मंगळारा हे विशीं मंत्रालयांत जाल्ले बसकेंत मुळाव्या साधनसुविधे विशीं म्हत्वपूर्ण पांच प्रकल्पांचेर चर्चा जाली अशी म्हायती मुख्यमंत्री डॉ. प्रमोद सावंत हांणी दिली.
बसकेक मुखेल सचीव पुनीतकुमार गोयल, पुलीस म्हासंचालक डॉ. जसपाल सिंग हांचे सयत विवीध खात्यांचे अधिकारी हाजीर आशिल्ले.
मंगळारचे बसकेंत गतीशक्ती पंगडान गोंया खातीरचो मास्टरप्लान सादर केला. बसकेंत वेर्णें उद्देगीक वसणुकेचो तिसरो टप्पो, संजिवनी साकर कारखान्याचो पुनर्विकास, धारबांदोड्यां ट्रक टर्मिनस, दोना पावला आंतरराष्ट्रीय कन्व्हेन्शन सेंटर, बाणावले फीश हॅचरीचो पुनर्विकास बी प्रकल्पांक गती दिवपाचे फाटभुंयेर चर्चा केली अशें मुख्यमंत्री डॉ. प्रमोद सावंत हांणी सांगलें.
मजगतीं, रस्ते, रेल्वे, बंदर, उदका मार्ग, विमानतळ, येरादारी, लॉजिस्टीक आनी इन्फ्रास्ट्रक्चर, भारतमाला, सागरमाला, अंतर्देशीय उदका मार्ग हांचो आस्पाव आशिल्ल्या मास्टरप्लानाचे अंमलबजावणे विशींय बसकेंत चर्चा जाल्ल्याचें तांणी नमूद केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
