भांगरभूंय | प्रतिनिधी
भांगरभूंय । प्रतिनिधी
फोंडेंः सपना पार्क- कुर्टी हांगा रस्त्या कुशीक आशिल्ल्या गटारांत इमारतींतलें घाणयारें उदक सोडपी पांच जाणांक फोंडेच्या भलायकी खात्याच्या ऑफिसान नोटीशी धाडल्यान. धा दिसां भितर घाणयाऱ्या उदका खातीर जाय ती उपाय येजवण केली ना जाल्यार उदका पुरवण बंद करपाची शिटकावणी तांकां दिल्या.
सपना पार्क वाठारांत फाटल्या कांय दिसां सावन रस्त्याचेर घाणयारें उदक येवपाक लागल्ल्यान ताची घाण येवपाक लागल्ली. कांय थळाव्यांनी हे संबंदी कुर्टी पंचायत मंडळा कडेन कागाळ केल्ली. सरपंच हरीश नायक हाणे हे संबंदी कारवाय करपा खातीर भलायकी खात्या कडेन पत्र वेव्हार केल्लो. खात्यान इमारतींत रावपी पांच जाणांक नोटीस धाडून गटारांत घाणयारें उदक सोडपाचें बंद करपाक सांगलें.
घाणाऱ्या उदकाक लागून दुयेसां पातळपाची भिरांत आशिल्ली. ताका लागून भलायकी खात्याक सागून कारवाय करची पडली अशें हरीश नायकान सांगलें.
फोंडें मुळाव्या भलायकी केंद्राचो नितळसाण विभागाचो निरीक्षक मनोज नायक हाणे भलायकी अधिकारी डॉ स्मिता पार्सेकार हिच्या आदेशा प्रमाण पांच जाणांक नोटिशी धाडून फावो ती उपाय येवजण करपाक सांगलां अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
