भांगरभूंय | प्रतिनिधी
साखळे नगरपालिका वाठारांतल्या पावसा पयलींच्या कामांक सुरवात
दिवचल, प्रतिनिधी ः साखळे नगरपालिका वाठारांतल्या सगल्या वॉर्डांनी पावसा पयलींच्या कामांक सुरवात केल्या आनी आतां मेरेन चार वॉर्डांनी कामां पुराय जालां. वेगवेगळ्या वाठारांनी गटर निवळ करपाचें काम चालू आसा आनी धोक्याची झाडां कापपाचें काम सुरु केलां अशी म्हायती नगराध्यक्ष रश्मी देसाय हांणी दिली.
साबार वाठारांनी गटारांत घाणयारें उदक सोडपाचे प्रकार वाडलां आनी तें बेगोबेग बंद करचें नाजाल्यार कायदेशीर कारवाय जातली अशें देसाय हिणें सांगलें.
साखळे बाजारांत आनी हेर वार्डांनी उदकाचो योग्य निचरो करपा खातीर खाशेली येवजण आंखल्या आनी हे खातीर खाशेल्या निधीची तरतूद केल्या. वेंचणुकेची आचारसंहिता लागू आसली तरी पावसा पयलीं करपाच्या कामां खातीर खास परवानगी घेवन निधी मंजूर केला अशेंय तिणें सांगलें. लोकांनी गटारांत घाणयारें उदक सोडप बंद करप गरजेचें आसा. हांचें फुडें अशें प्रकार केल्ल्याचे उक्ते जाल्यार तांचेर कायदेशीर कारवाय जातली अशें देसाय हिणें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
