भांगरभूंय | प्रतिनिधी
काणकोणः खोला दर्यादेगेर पर्यटनाचो आनंद घेवपा खातीर आयिल्ल्या पर्यटकांनी थंयच्या पठाराचेर आपली गाडी पार्क केली. सेल्फी गेवपा खातीर कुशीक गेले. त्या वेळार न्युट्रल स्थितींत आशिल्ली मोटार वयल्यान सुमार 10 मिटर खाला येवन खडपाक आदळ्ळी. त्या वेळार तिका उजो लागलो.
ही घडणूक आयतारा दनपारां घडली. हो वाठार शुटींगे खातीर प्रभावी आशिल्ल्यान कांय जाणांक शुटींग चालू आशिल्ल्याचें दिसलें. मात कांय वेळान उजो पालोवपी दळाचे जवान थंय पावले. खोल दर्यादेगेर शेनवारा, आयतारा आनी सुटयेच्या दिसांनी पर्यटनाचो आस्वाद घेवचे खातीर खूबश्या देशी विदेशी पर्यटकांची गर्दी आसता. गाडयेक उजो लागले उपरांत कटकट नाका म्हूण खूबश्या पर्यटक थंयच्यान कुशीक सरले. ती मोटारीचो लासून पुराय गोबर जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.