भांगरभूंय | प्रतिनिधी
पणजी, बातमीदार : गोंयांत सेगीत जावपी अपघातांचेर नियंत्रण हाडपा खातीर सरकार विवीध यत्न करून लेगीत हें सत्र चालूच आसा. आयजूय एक अपघात घडलो जातूंत एक २ वर्सां पिरायेचो भुरगो जखमी जालो.
हे विशीं चड म्हायती प्रमाण आयज ५ मार्चाक सकाळच्या सुमार १०.३० वरांचेर खोर्ली-तिसवाडी कोयर व्हरपाच्या वाहनाच्या टायरां आपटून एक २ वर्सांचो भुरगो सांपडलो. हातूंत तो भुरगो गंभीर जखमी जाला. ताका लागसारच्या खाजगी हॉस्पिटलांत व्हेलो. थंयच्यान फुडल्या उपचारां खातीर ताका गोमॅकोंत धाडला.
आयज सकाळीं हो भुरगो आपले आवय वांगडा दुकानाचेर आयिल्लो. आवयची नदर चुकोवन तो रस्त्यार पावलो. तेन्ना थंयच्यान वचपी कोयराच्या वाहनाच्या टायरांक आपटून तो जखमी जालो. फुडले तपासणे खातीर वाहन चालकाक पुलिसांनी पुलिशेंत व्हेला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
