भांगरभूंय | प्रतिनिधी
खांडोळेंच्या सरकारी कला, विज्ञान आनी वाणिज्य म्हाविद्यालाच्या पंगडान गोंय विद्यापीठ आंतरम्हाविद्यालय दादल्यांची क्रिकेट सर्त जिखली. फायनलींत ताणें ज्ञानप्रसारक मंडळाच्या आसगांव म्हाविद्यालय रिसर्च सेंटराच्या पंगडाक 2 विकेटींनी हारयलो. सर्त ताळगांवच्या गोंय विद्यापिठाच्या मैदानाचेर जाली.
खांडोळें म्हाविद्यालयान टॉस जिखून पयलीं आसगांव म्हाविद्यालयाच्या पंगडाक बॅटींग करपाचें आमंत्रण दिलें. आसगांव म्हाविद्यालयान 20 ओव्हरींनी सगल्यो विकेटी वगडावन 147 धांवड्यो केल्यो. आर्यन नार्वेंकारान 39 बॉलांनी 67 जाल्यार उदीत यादवान 44 बॉलांनी 45 धांवड्यो केल्यो. नरेंद्र तारीन 30 धांवड्यो दिवन 3, पार्थ कोसंबेन 21 धांवड्यांनी 2 आनी अब्दुल मशालान 27 बॉलांनी 2 विकेीट घेतल्यो.
खांडोळें म्हाविद्यालयान 2 विकेटी राखून जैत जोडलें. सर्वेश सावंतान 60 बॉलांनी 89 धांवड्यो केल्यो. बॉलिंगेंत आसगांवा वतीन आर्यन नार्वेंकारान 19 धांवड्यो दिवन 2 आनी फरदीन खानान 26 धांवड्यांनी 2 विकेटी घेतल्यो.
इनामां भेटवण सुवाळ्याक मुखेल सोयरे म्हणून संगम तळावलीकार उपस्थीत आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
