भांगरभूंय | प्रतिनिधी
प्रवेशिका धाडपाची निमाणी तारीख २० ऑगस्ट
पणजी: गोंय सरकार, अंदुचें वर्स कोंकणी लेखक ज्ञानपीठकार सर्गेस्त रवीन्द्र केळेकार आनी सर्गेस्त मनोहरराय सरदेसाय हांचें जल्मशताब्दी वर्स म्हूण मनयता. रवीन्द्रबाब आनी मनोहरराय हांचें कोंकणी साहित्याच्या मळार भोव मोलाचें योगदान आसा. तांच्या उगडासान, तांच्या साहित्याचे दायज सासणाचें चलचें ह्या हेतान सरकारी म्हाविद्यालय खांडोळेंच्या कोंकणी विभागा वतीन सर्गेस्त डॉ. मनोहरराय सरदेसाय यादस्तीक राज्य स्तरीय आंतर उच्च माध्यमीक विद्यालय ’कविता लेखन सर्त’ घडोवन हाडटा.
ह्या निमतान गोंय भरांतल्या सगळ्या उच्च माध्यमीक विद्यालयांतल्या विद्यार्थ्यांक हे सर्तींत वांटेकार जावपाचो उलो मारला.
नेम आनी अटी
विद्यर्थ्यां खातीर चत्राय
प्रवेशिका ऑनलायन वा ऑफलायन धाडपाची निमाणी तारीख २० ऑगस्ट ल रातच्या १२ वरां मेरेन आसतली. कोंकणी भाशेंतल्या नव्या कविंच्या सुप्त गुणांक उर्बा आनी चेतना मेळची हे नदरेंतल्यान सगळ्या उच्च माध्यमीक विद्यालयांतल्या विद्यार्थ्यांक शिक्षकांनी तशेंच पालकांनी सर्तींत वांटेकार जावपाक फुडें काडपाचो उलो आयोजकांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
