भांगरभूंय | प्रतिनिधी
वाळपय, प्रतिनिधी: खांडेपार न्हंयेची पातळी देंवल्या. ताका लागून ओपा उदका प्रकल्पाचेर ताचे परिणाम जावचे न्हय म्हणून गांजे उदका प्रकल्पा वरवीं म्हादय न्हंयेचे उदक वळोवपाक सुरवात केल्या. पावसाक उशीर जाल्यार ओपा उदका प्रकल्पाचे परिणाम म्हालांतल्या पिवपाच्या उदकाचेर जावपाक शकता.
हे विशीं म्हायती अशी, म्हादय न्हंयेच्या उदकाचो सांठो खांडेपार न्हंयत वळोवपाक कांय वर्सां आदीं सुरवात जाल्ली. खांडेपार न्हंयेचें उदक मे म्हयन्यांत उणें जाता. ताका लागून म्हादय न्हंयेच्या उदकाचो सांठो हांगा वळयतात. हाका लागून गांजे हांगा जलसिंचन खात्यान प्रकल्प बांदला. हांगा आशिल्ल्या बंधार्या वरवीं व्हडा प्रमाणांत उदकाचो सांठो करतात. हो उदकाचो सांठो ह्या प्रकल्पा वरवीं खांडेपार न्हंयेंत वळयतात. देखून खांडेपार न्हंयेचें पात्र जिवें जावन ताचो उपरांत मोपा उदका प्रकल्पाक फायदो जायत आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
