भांगरभूंय | प्रतिनिधी
भांगरभूंय । प्रतिनिधी
सांगेंः अखील गोंय क्षत्रीय मराठा समाजाच्या सांगें तालुको समितीच्या अध्यक्षपदार किशोर रामा गांवस देसाय हाची एकमतान निवड केली. सुभाष रा. देसाय हांणे अध्यक्षपदा खातीर ताचें नांव सूचयलें आनी रामा बी गांवकारान ताका अनुमोदन दिलें. ह्या वेळार समाजाच्या केंद्रीय कार्यकारिणीचे अध्यक्ष सुहास फळदेसाय, वांगडी अनिल देसाय, डॉ मनोज प्रभुदेसाय आनी इचित फळदेसाय हाजीर आशिल्ले.
देवनामळ- कालें हांगच्या श्री देव देवेश्वर देवळांत केंद्रीय कार्यकारिणीच्या मार्गदर्शना खाला जाल्ले बसकेंत सांगें तालुको पांवड्या वयली समिती वेंचून काडली. सुहास फळदेसाय हांणी सगल्या समाज वांगड्यांक समाजाची चलल्ली उदगत आनी हालींच्या घडामोडींची म्हायती दिली. समाज हिता खातीर उपक्रम चालीक लावपा खातीर पुराय सहकार्य करपाचें आस्वासन तांणे दिलें. वांगड्यांनी विचारल्ल्या प्रस्नांक ताणे जापो दिल्यो.
वेंचून काडिल्ल्या सांगें तालुको समितीचे हेर पदाधिकारी फुडले भशेन आसात- सचीव – सज्जन देसाय, भांडारी – पंकज सावंत देसाय, बायल प्रतिनिधी – विश्रांती पुटू देसाय आनी रत्नमाला रत्नाकर गांवकार. वांगडी – अनिल गणो देसाय, बोंबो सावंत देसाय, रामा बबली गांवकार, सुभाष राघोबा देसाय, प्रकाश देसाय, रामदास फोंडू देसाय, गुरुदास जयराम देसाय, मनोज रामनाथ सावंत देसाय, प्रकाश साजी सावंत देसाय, गोकुळदास राघोबा देसाय, हर्षल नानू सावंत देसाय आनी रोहिदास रामा प्रभुदेसाय.
सांगे तालुका प्रतिनिधी इचित फळदेसाय हाणे सांगे तालुक्यांत चडांत चड वांगड्यांची नोंदणी करपाचें काम हातांत घेवपाची सूचोवणी समितीक केली.
किशोर देसाय हाणे बसकेचें सूत्रसंचालन केलें.पंकज सावंत देसायान नव्या सांगें तालुको समिती वांगड्यांक परबीं भेटोवन निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
