भांगरभूंय | प्रतिनिधी
लोहगांव, खबरां संस्था: सध्या आयपीएलचा मौसम आशिल्ल्यान जायते क्रिकेट मोगी ह्या खेळाची मजा घेतात. कांय जाणां मैदानार वचून क्रिकेट खेळटना दिसतात. इश्टां सयत क्रिकेट खेळत कसो वेळ वता तेंच समजना. मात हाचे मजगतीं पुण्यांत क्रिकेट खेळप एका चल्याक म्हारग पडलें. पुण्यात एक दुखेस्त घडणूक घडिल्ल्याचें मुखार आयलां. इश्टां सयत क्रिकेट खेळपाक गेल्ल्या एका चल्याच्या गुप्तभागाचेर बॉल नेटान बसून तो मैदानाचेरुच कोसळ्ळो. उपरांत तो परत उठुंकूच ना. हे घडणुकेंत ११ वर्सां पिरायेच्या चल्याक मरण आयलें. सीसीटीव्ही फुटेजूय मुखार आयला.
मेळिल्ले म्हायती प्रमाण, ही घडणूक पुण्याच्या लोहगांवच्या जगद्गुरू स्पोर्ट्स अकॅडमींत बिरेस्तारा रातची घडली. शौर्य उर्फ शंभू अशें मरण आयिल्ल्या चल्याचें नांव.
शाळेक सुटी पडले उपरांत शौर्य ताच्या इश्टां सयत क्रिकेट प्रॅक्टीस करपाक वतालो. घडणुके दिसाय तो रातीं उसरां क्रिकेट खेळटालो. ताणें घाल्ल्या बॉलाचेर मुखार आशिल्ल्या बॅट्समनान नेटान शॉट मारलो आनी तो बॉल येवन शौर्याच्या गुप्तभागाचेर नेटान येवन बसलो. शौर्य थंयच कोसळ्ळो. ताका आक्ताक मरण आयिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
