भांगरभूंय | प्रतिनिधी
भारताचो स्टार बॅट्समन विराट कोहली दक्षीण आफ्रिकेचे भोंवडेर टी-20 आनी वन डे क्रिकेट माळेंत खेळचो ना. भारताच्या पंगडाची दक्षीण आफ्रिकेची भोंवडी 10 डिसेंबराक डरबनांत टी-20 मॅची वरवीं सुरू जातली.
कोहलीन भारतीय क्रिकेट नियामक मंडळा (बीसीसीआय) कडेन सुटी मागल्या. तशेंच तो टॅस्ट माळेंत खेळटलो काय ना हे विशीं लेगीत कांयच स्पश्ट ना. कोहली 2022त जाल्ले संवसारीक टी-20 उपरांत एकूय आंतरराष्ट्रीय टी-20 मॅच खेळूंक ना.
भारत 10 डिसेंबर 2023 ते 7 जानेवारी 2024 हे मेरेन 3 टी-20, तीन वन डे आनी दोन टॅस्ट मॅची खेळटलो. मजगतीं, रोहित शर्माचो लेगीत खेळपा विशीं दुबाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
