भांगरभूंय | प्रतिनिधी
खबरां संस्था ः ब्रिटनांतली फार्मास्युटिकल कंपनी AstraZeneca कंपनीन वासिना विशीं प्रस्न उप्रासले उपरांत व्हड पावल उबारलां. तातूंत म्हणलां की, म्हामारी उपरांत अद्ययावत वाशिनांची भरपूर प्रमाणांत उपलब्धताय पळयल्यार संवसारभर कोवीड वासीन फाटीं घेतल्यात. युरोपांतल्या व्हॅक्सजाव्हरिया वासिनाची विपणन अधिकृतताय फाटीं घेवपा खातीरय कंपनीन सांगलां. हालीं AstraZeneca कंपनीन आपली कोवीड लस रगत गोठेवपा संबंदीत दुश्परिणाम जावंक शकता अशें मान्य केलां.
कंपनीन म्हणले, जायत्या प्रकारची कोविड वासिनां तयार जाल्यात म्हणून अद्ययावत वासिनांची संख्या चड आसा. देखून व्हॅक्सजवेरिया वासिनाची मागणी उणी जाल्या. हाका लागून आतां ताचें उत्पादन वा पुरवण जायना. टेलिग्राफाच्या म्हणण्या प्रमाण कंपनीन 5 मार्चाक हें वासीन फाटीं घेवपा खातीर अर्ज केल्लो आनी ती 7 मे सावन प्रभावी जाली.
AstraZeneca कंपनीन ऑक्सफर्ड विद्यापिठा वांगडा भागीदारी करून हें वासीन तयार केलां. सध्या कंपनीचेर न्यायालयांत खटलो सुरू आसा, तातूंत कोवीड वासीन घेतिल्ल्या लोकांक मरण आयलां, आनी तांकां गंभीर लुकसाण जालां असो दावो केला. ब्रिटनांतल्या फार्मा कंपनीन भारत सरकाराक वासीन पुरवण करपा खातीर संवसारांतली सगळ्यांत व्हडली वासीन उत्पादक सीरम इन्स्टिट्यूट ऑफ इंडिया (एसआयआय) कडेन भागीदारी केल्या. सीरम इन्स्टिट्यूट हे संस्थेन कोवीशील्ड नांवाचें वासीन तयार केल्लें.
भारतांतल्या 80 टक्के लोकांक कोरोनाचें वासीन दिलां. ताच्या दुश्परिणामाची खबर आयले उपरांत देशांत जायते प्रस्न उप्रासले. मजगतीं, कोव्हिशील्डाची चवकशी करपा खातीर वैजकी तज्ञांचो पॅनल तयार करपा खातीर सुचोवण्यो जारी करपाची मागणी करपी याचिका फाटल्या सप्तकांत सर्वोच्च न्यायालयांत दाखल केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
