भांगरभूंय | प्रतिनिधी
8 जाणांक लागण, तिगांक मरण
वॉशिंग्टनः कोविंड उपरांत आतां आनीक एका संसर्गजन्य दुयेंसाक लागून संवसारभर हुस्को निर्माण जाला. क्रूझ बोटीवेल्या प्रवाशां मदीं सांपडिल्ल्या ‘हंताव्हायरसा’ खातीर आंतरराष्ट्रीय भलायकी यंत्रणा सतर्क जाल्या. 8 मे मेरेन 8 जाणांक ह्या व्हायरसाची लागण जाल्या, तातूंतल्या तीग जाणांक मरण आयलां. ह्या दुयेंतींतल्या 6 दुयेंतींक ‘अँडीज व्हायरस’ (Andes Virus – ANDV) प्रकारचो हंताव्हायरस जाल्ल्याचे प्रयोगशाळेंत केल्ल्या चांचणेतल्यान खात्री जाल्या. बोटीवेल्या प्रवाशांक लागून हो व्हायरस 12 देशांनी पाताळपाचो धोको संवसारीक भलायकी संघटनेन उक्तायला.
संवसारीक भलायकी संघटनेच्या (डब्ल्यूएचओ) म्हायती प्रमाण, 2 मे 2026 दिसा डच ध्वजांकित क्रूझ बोटींत स्वास घेवपाचो खर दुयेंस आशिल्ले प्रवासी मेळ्ळे. 8 मे मेरेन हो आंकडो 8 मेरेन वाडलो आनी तीन प्रवाशांक मरण आयलें. हे मरणाचे प्रमाण 38% आशिल्ल्यान भलायकी यंत्रणां मदीं हुस्को निर्माण जाला.
मेळिल्ले म्हायती प्रमाण ह्या क्रूझ बोटांतले कांय नागरिक सेंट हेलेना ह्या ब्रिटीश वाठारांत देंविल्ले. हाका लागून संवसारीक भलायकी संघटनेन वट्ट 12 देशांनी अलर्ट जारी केला. हातूंत कॅनडा, डेन्मार्क, जर्मनी, नेदर्लंड्स, न्यूझीलंड, सेंट किट्स अँड नेव्हिस, सिंगापूर, स्वीडन, स्वित्झर्लंड, तुर्की, युनायटेड किंगडम आनी युनायटेड स्टेट्स ऑफ अमेरिका हांचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
