भांगरभूंय | प्रतिनिधी
मडगांव, प्रतिनिधी : कोलवाचीं आदलीं उदकाचीं पायपां बदलपाच्या कामाक शुक्रारा सावन सुरवात जाली. बाणावले मतदारसंघांतलीं उदकाचीं पायपां आदलीं आशिल्ल्यान तीं टप्प्याटप्प्यांनी बदलतले. प्रशासकीय पांवड्यार बारीक कामांक मंजुरी मेळपाक कळाव जाल्ल्यान हें बदलपाची गरज आसा, अशें मत आमदार व्हेंझी व्हिएगस हांणी उक्तायलें.
कोलवा ग्रीन हावजा लागसारचीं उदकाचीं पायपां बदलपाचें काम सुरू केलें. या वेळार आमदार व्हिएगस हांचे सयत सरपंच सुझी फर्नांडीस आनी नागरीक हजर आशिल्ले.
कोलवाच्या उदकाच्या पायपां विशीं कागाळ फाट×या वर्सा २ मे २०२३ दिसा आयिल्ली. ते प्रमाण प्रशासकीय पांवड्यार उदकाचीं पायपां बदलपाच्या कामा खातीर फाटपुरवण करपाक सुरवात केली. ह्या उदकाच्या पालपां खातीव प्रस्ताव करप, तांत्रिकी मंजूरी, प्रशासकीय मंजुरी मेळप आनी कामाची निविदा काडपा खातीर सुमार १८ म्हयन्यांचो वेळ लागलो. ताका लागून लोकांच्या सुविधांच्या कामां खातीर मंजुरी मेळपाची प्रक्रिया सुटसुटीत जावपाची आनी बेगीनूच मंजुरी मेळपाची गरज आसा. मोंत क्रुझ मंत्री असतना कोलवाचीं हीं पायपां घातिल्लीं. आतां तीं बदलपाची वेळ आयल्या. टप्प्याटप्प्यानी उदकाचीं पायपां बदलपाचें काम करतले, अशें आमदार व्हिएगस हांणी सांगलें.
सुझी फर्नांडीस हांणी कोलवा पंचायत वाठारांतल्या खुबश्या नागरिकांकडल्यान उदकाच्या समस्यां विशीं पंचायती कडेन कागाळी केल्ल्यो. हाची पळोवणी केली तेन्ना उदकाचीं पायपां पोरणीं जाल्ल्यान तांची गळटी वाडिल्ली. तेन्ना तात्पुरती दुरुस्ती केल्ली. आतां उदकाचीं पायपां बदलपाचें काम बेगीनूच पुराय करचें अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
