भांगरभूंय | प्रतिनिधी
कोरगांव, बातमीदार : कोरगांव ग्रामसभेंत लोकांनी देवसू वठारांत जावपी मेगा प्रोजेक्टाक विरोध केलो. विरोध करतना, लोकांक काळखांत दवरून देवसू वठारांत जावपी मेगा प्रोजेक्टाक आमचो खर विरोध आसा. ताचे वायट परिणाम जातले. कोरगांव पंचायतीन ताका एनओसी दिवची न्हय अशी मागणी आयज कोरगांव ग्रामसभेंत प्रकाश तळवणेंकार, डॉमनीक फर्नांडीस, कॉझ्मा फर्नांडीस हांणी केली.
ह्या वेळार सरपंच अनुराधा कोरगांवकार हाणीं अश्या विलाच्या मान्यताये खातीरचो अर्ज आयला. आमी लोकांक जाय तेंच करतले अशें सांगलें.
हेर जायत्या लोकांनी हे मागणेक तेंको दिलो. तशेंच कोरगांव वठारांत नगर नियोजनाच्या परवानगेन बिल्डींगो बांदपाक रानाची कापणी सुरु आसा. ताचेर पंचायतीन कारवाय करपाची मागणी सुदीप कोरगांवकाार हांणी ह्या वेळार केली.
तशेंच आयज जाल्ले ग्रामसभेंत हेर बर्याच प्रस्नांचेर चर्चा जाली. ह्या वेळार व्हडा संख्येन गांवकार हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
