कोमरपंत सोसायटीच्या वास्को विभागा वतीन विवीध कार्यावळींचें आयोजन 

भांगरभूंय | प्रतिनिधी

वास्को ः क्षत्रीय कोमरपंत समाज वास्को गोंय विभागाचो 17वो वर्सुकी सुवाळो आयतार ता. 29 जानेवारीक सकाळीं 9.30 वरांचेर वरुणापुरी, मांगोरहिल वास्को हांगाच्या श्री राम मंदीर सभाघरांत जातलो. ह्या वेळार मुखेल सोयरे म्हणून कारवार नगरपालिकेचे उपाध्यक्ष प्रकाश नायक, मानाची सोयरी म्हणून पार्वतीबाई चौगुले महाविद्यालयाची सहाय्यक प्राध्यापक डॉ. रुपा बेलुरकार, क्षत्रीय कोमरपंत समाजाचे अध्यक्ष सुभाष माजाळीकार हाजीर आसतले.ह्या निमतान विवीध सर्तींचें आयोजन केलां. 

चोवथी मेरेनच्या भुरग्यां खातीर आनी तशेंच पांचवी ते सातवी गट चित्रकला सर्त जातली. ही सर्त 10 पिराये सकयल्या भुरग्यां खातीर आसतली. तशेंच भेसवण सर्त (फकत 1 मिनीट), एकोडें नाच सर्त सगळ्या भुरग्यां खातीर (चडांत चड 3 मिनटां) आसतली. बायलां खातीर रांगोळी सर्त आनी गोड जिन्नस तयार करपाची सर्तींचें आयोजन केलां. सर्तकांनी 27 जानेवारी मेरेन रोजा नायक (7498744534) आनी मानसी नायक (9764634604) हांचे कडेन आपलीं नांवां नोंद करचीं. 

तशेंच अंदूं वास्को फाट्यांत 10 वी, 12 वी, बीए, बी. कॉम, बी. एससी, एम. ए., एम. कॉम., एम. एस. सी. अभियांत्रिकी, एम. बी. ए. आनी वैजकी पद्वी परिक्षा 2021-22 त उत्कृश्ठ काम केल्ल्या गुणेस्त विद्यार्थ्यांचो ह्या शिश्यवृत्ती दितले. विद्यार्थ्यांनी 24 जानेवारी मेरेन आपली गुणपत्रिका सचीव राजाराम नायक हांचे कडेन भेटोवची. 

ह्या वेळार सकाळीं 9.30 वरांचेर सत्यनारायण महापुजा जातली. उपरांत 11.30 वरांचेर आरती, 12.30 ते 1 वरां मेरेन तिर्थप्रसाद, श्री सत्य साई समिती वास्को हांचें भजन, बायलां खातीर हळद कुकूम सुवाळो, महाप्रसाद 1 ते 2.30, मनरिजवण कार्यावळ 2.30 ते 3.30 मेरेन आनी 3.30 उपरांत इनामां वांटपाचो सुवाळो जातलो. 

अध्यक्ष सुनीता नायक, सचीव राजाराम नायक, कार्यक्रम मुखेली प्रकाश नायक, कोषाध्यक्ष अरुण नायक हांणी हे कार्यावळीक सगळ्यांनी व्हडा संख्येन रावपाचो उलो दिला.